• IB Middle Years Programme

      • IB Негізгі мектеп бағдарламасы (MYP)

      •  

        «Білім-инновация» лицейі Халықаралық бакалавриаттың (IB) Негізгі мектеп бағдарламасы (Middle Years Programme, MYP) бойынша кандидат мектеп болып табылады. Кандидат мәртебесі 2026 жылдың наурызында берілді, ал 2026 жылдың қыркүйегінен бастап 7 және 8-сынып оқушылары MYP бағдарламасы бойынша білім алуда.

        Біздің миссиямыз
        Тамыры терең, көкжиегі кең, әлемге біліммен және жүрекпен қызмет ететін жастарды тәрбиелеу.

        MYP дегеніміз не?
        MYP – 11–16 жас аралығындағы оқушыларға арналған халықаралық білім беру бағдарламасы. Ол мемлекеттік стандартты алмастырмайды, керісінше оны толықтырады: оқушылар сол пәндерді оқиды, бірақ оларды зерттеу, идеяларды терең түсіну және білімді өмірмен байланыстыру арқылы меңгереді.

        Бағдарламаның негіздері
        Оқыту негізгі концепциялар мен жаһандық контекстерге құрылады, бұл оқушыға пәннің әлеммен байланысын көруге көмектеседі. Оқыту тәсілдеріне (ATL) ерекше мән беріледі: сыни ойлау, қарым-қатынас, топпен жұмыс, өзін-өзі ұйымдастыру және ақпаратпен жұмыс дағдылары дамиды. Оқушылар «Іс-әрекеттегі қызмет» (Service as Action) арқылы білімін мектеп пен қоғам игілігіне жұмсайды, ал бағдарламаның соңғы жылында Жеке жобаны орындайды.

        IB оқушысының профилі
        Біз оқушыларымыздың зерттеуші, білімді, ойшыл, көпшіл, ұстанымды, ашық, қамқор, тәуекелшіл, теңгерімді және талдағыш тұлға болып қалыптасуына ұмтыламыз.

        Бағалау
        MYP-да критериалды бағалау қолданылады: әр пән бойынша төрт критерий (A, B, C, D) бар, әрқайсысы 0-ден 8 балға дейін бағаланады. Оқушылар жұмысының қандай критерийлер бойынша бағаланатынын алдын ала біледі, сондықтан бағалау түсінікті әрі әділ болады.

        Неге MYP?
        Бағдарлама оқушының дербестігін, жауапкершілігін және білімге деген қызығушылығын дамытады, оны IB Дипломдық бағдарламасына және әлемнің жетекші университеттерінде білім алуға дайындайды.

        «Білім-инновация» лицейі IB Негізгі мектеп бағдарламасы бойынша кандидат мектеп болып табылады және IB әлем мектебі ретінде авторизациядан өтуге ұмтылады. Халықаралық бакалавриат ұйымы авторизациялаған мектептер ғана оның білім беру бағдарламаларын жүзеге асыра алады. Кандидат мәртебесі авторизация берілетініне кепілдік бермейді. Толығырақ: www.ibo.org