16.11.2018ж.шахматтан ХХІІ қалалық Спартакиада өтті. Әуезов ауданы бойынша іріктеу жарысында БИЛ оқушылары Батырханов Бексұлтан,Зайтметов Раушанбек,Ахметжан Абылай 3орынды иеленді.Қалалық финалдық сайыста Әуезов ауданының командасы 3 орынға табан тіреді. Лицейіміздің 8 "А" сынып оқушысы Ахметжан Абылай финалға қатысып, командалық сайыста жақсы нәтижиеге қол жеткізді.Жеңіс құтты болсын!

9.11.2018ж. лицей Презиндентін ұлықтау рәсімі өтті.Жабық дауыс беру нәтижесінде лицей Президенті лауазымына 10 "Б" сынып оқушысы Сатай Абай Абылұлы сайланды. Сондай-ақ "Өзін-өзі басқару" ұйымының мүшелері тағайындалды.Білім министрі Далабеков Алмат,Мәдениет министрі Танбаев Әміржан,Спорт министрі Акбулут Мехмет,Тәртіп министрі Мамедов Рафик болып бекітілді.

Оқушыларымыз Амир Дален мен Адильхан Амир және олардың жетекшісі Жолгелдиев Жанболат 22 қазан мен 2 қараша күндері аралығында Кореяның UNIST университетінде өтетін Халықаралық олимпиадаларға дайындық сабақтарына жолдама алған болатын. Сапарларыңыз сәтті өтсін, білімдеріңізді жетілдіріп, аман есен елге оралыңыздар!

6 қазан сенбі күні лицейімізде ата-аналарға арналған педконсилиум өтті. Әр тоқсан сайын болатын педконсилиумда ата-аналар оқушылардың оқу үлгерімі мен тәрбиесі туралы пән мұғалімдерінен,сынып жетекшілерден керек ақпараттарын ала алады деген үміттеміз. Мұғалім-оқушы-ата-ана арасындағы тығыз қарым-қатынастың бір көрінісі болып табылатын педконсилиум түрлі мәселелердің шешімін тапты деген ойдамыз.

6 қазан сенбі күні лицейімізде ата-аналарға арналған педконсилиум өтетінін хабарлаймыз.Әр тоқсан сайын болатын педконсилиумда ата-аналар оқушылардың оқу үлгерімі мен тәрбиесі туралы пән мұғалімдерінен,сынып жетекшілерден ақпарат ала алады. Мұғалім-оқушы-ата-ана арасындағы тығыз қарым-қатынастың бір көрінісі болып табылатын педконсилиум түрлі мәселелердің шешімін табуға көмектеседі.

27 қыркүйек күні лицейде Үйірме көрмесі өтті.Футбол,шахмат,домбыра, волейбол т.б үйірме жетекшілері оқушыларға кішігірім ойын түрлерін өткізіп, балалардың қызығушылықтарын байқады. Аталмыш көрме оқушылардың түрлі қабілеттерін анықтап, жетілдіруде үлкен үлес қосатынына сеніміміз мол.
#almatyboysbil
#bil
#uiyrmelerkormesi

25 қыркүйек күні лицей қабырғасында Қазақстан Республикасы халықтарының тілдері күні мерекесіне орай 7-10сыныптар аралығында "Туған тілім - тірлігімнің айғағы" атты ұлттық тағамдар жәрмеңкесі өтті. Әр сыныптың оқушылары мен ата-аналары қазақ,орыс,түрік т.б. ұлттарының тағамдарын ұсынып,тілдерінің құдіреттілігін насихаттап, аталмыш шарада белсенділік танытты. Бұл шара - елімізде бір шаңырақ астында тұрып жатқан әр түрлі ұлттың татулығын,береке-бірлігінің бір көрінісі. Баршаңызды Қазақстан Республикас ы халықтарының тілдері күні мерекесімен құттықтаймыз!
#almatyboysbil
#bil
#tildermerekesi

18.09.2018ж. лицейімізде Emrah bey-дің құрметіне арналған қайырымдылық жәрмеңкесі откен болатын. Жәрмеңкеге келген барша қайырымды жандарға алғысымызды білдіреміз! Қайырымдылық жәрмеңкесінен түскен табыстың барлығы Emrah bey-дің (@help_emrah_bey ) еміне кететін болады.
#almatyboysbil
#ktl
#helpemrahbey

14.09.2018ж. лицейімізде зейнет жасына жеткен ұлағатты ұстаздар мен қызметкерлерге арналған мерекелік қоштасу кеші өтті. Жас ұрпаққа сапалы білім, саналы тәрбие беруде қажымас қайратымен, өнегелі үлгісімен, жаңашылдық жолымен, адамгершілік қасиетімен, қоғамдық жұмысымен, заманауи саясатымен, кәсіби біліктілігімен ұстаздық міндетін абыроймен атқарған құрметті Оразалиева Мазира Кусаиновна, Избасханова Орынкул Куанбаевна, Нургожина Бакыт Кельдигоживна, Сулейменов Бактыгали Азильманатович, сіздерге өз жұмыстарыңызды адал және кәсіби түрде атқарып, көрсеткен жоғары дәрежелеріңіз үшін зор алғысымызды білдіреміз!
#almatyboysbil
#ktl
#zeynet